СТИХОЗБИРКА НА МЛАДИ ПОЕТИ ОД ООУ ХРИСТИЈАН Т.КАРПОШ
НА АНГЛИСКИ ЈАЗИК

НАГРАДЕНИ СО СЕРТИФИКАТ ЗА ЗАСЛУГА (CERTIFICATES OF MERIT)

        Во рамките на додатната настава во ООУ Христијан Тодоровски Карпош беше реализиран проект на пишување поезија чиј продукт е публикување на стихозбирка на англиски јазик.. Координаторот на проектот, менторот по англиски јазик мр - Виолета Панев објаснува дека целите на првата фаза на проектот беа реализирани на настанот на Европската недела на кодирање преку препознавање на семантиката на лексичките единици на работилниците по англиски јазик. При вежбите во римување беа применувани разни техники во пишувањето со цел децата полесно да ја усовршат техниката на вештината пишување.

     Песничките во првата фаза беа пропратени со автентични ликовни творби на самите ученици преку кои ги искажаа своите чувства и доживувања на случки и настани од секојдневието. Работилниците се преставени на едукативното видео на сајтот на МОН во делот за настава по англиски јазик за  3 одд .

 Во втората фаза тие креираа песнички на англиски јазик кои беа селектирани од реномирана издавачка куќа од Англија и публикувани во стихозбирка под наслов Емотивна Поезија. Оригиналната јазична творба на англиски јазик им донесе на учениците од 3б одд Certificate of Merit, како активни учесници на Меѓународниот Натпревар за млади ученици во областа на пишување поезија на англиски јазик. 

Повеќе инфо на линковите:

https://issuu.com/panevvioleta/docs/poems_1-12.pptx

http://eduvideos.mon.gov.mk/?video=eu-code-week-elt-panev-violeta

http://karpos.gov.mk/vest/3628

ПУБЛИКУВАЊЕ НА НАУЧЕН ТРУД ВО КНИГА

РЕЦЕНЗИЈА

ЗА РАКОПИСОТ „ПЕДАГОШКИТЕ КОМПЕТЕНЦИИ НА НАСТАВНИЦИТЕ ПО АНГЛИСКИ ЈАЗИК ВО ИНИЦИЈАЛНОТО ОБРАЗОВАНИЕ“ ПОДНЕСЕН ОД

М-р ВИОЛЕТА ПАНЕВ

Ракописот на тема: „Педагошките компетенции на наставниците по англиски јазик во иницијалното образование” претставува сериозен научен труд кој актуелизира бројни прашања од теоретски и практичен карактер поврзани со образованието на наставници по англиски јазк од аспект на зајакнување нивните педагошките компетенции.

Основниот акцент во ракописот е ставен на откривање на потребата од  вклучување на повеќе педагошки предмети во студиските програми за образование на наставници по англиски јазик. Традиционалниот концепт на наставничкиот профил постојано се проширува и менува како во содржината така и во методологијата и облиците на учење поради постојаната промена  на дадените општествени услови и напредокот на науката и техниката. Факт е дека  адекватно оспособениот наставен кадар треба да соодветствува со потребите  на наставата за да се добијат саканите резултати. Наставничките компетенции се втемелуваат уште во иницијалното образование кое има две компоненти, стручно-научна која ги претставува компетенциите и знаењата на наставникот на предметот што го предава и педагошкиот дел. Отсуството на изграден единствен модел на образование кај нас како и концептот за професионален развој и напредување на наставниците доведе до нерамнотежа меѓу стручно-научната и професионално-педагошката комонента во иницијалното образование на наставниците. Истражувањето на оваа област е актуелно во однос на состојбата во која се наоѓа севкупниот воспитно-образовен систем во нашата земја и реформските промени кои се насочени кон подигнување на квалитетот на воспитанието и образованието.

Ракописот на авторката м-р Волета Панев е структуиран од неколку глобални делови со компјутерски обликуван текст со вовед, теоретски пристап кон проблемот на истражувањето, методологија на истражувaњето, анализа и интерпретација на резултатите од истражувањето, заклучоци и прилози во вид на користен инструментариум. Кон ракописот е приложена релевантна библиографија од книги, статии од домашни и странски автори,  документи,  интернет извори.

Во првиот дел на ракописот, авторката ги дефинира поимите и термините кои се опфатени со истражувањето. Даден е еквивалент на поимите на англиски јазик особено на термините кои се употребуваат при компарација на образовните програми на двете говорни подрачја (македонско и англиско). Потоа авторката м-р Виолета Панев се задржува на улогата на наставниците по англски јазик во современата настава, нивното образование, стандардите и компетенциите,  образованието на наставниците во Англија и Велс, терминолошко толкување на поимот компетенции во потесен и поширок општествен контекст, документи од Советот на Европа и Европската комисја за изедначување на стандардите на образовните системи во Европа и опфатени се и прашањата за сертификација на наставничките компетенции во САД. Елаборацијата на теоретскиот дел завршува со  прашањето што е тоа европски наставник, наставник на денешницата и утрешнината. Информациите што се даваат во ова поглавје се богато илустрирани со релевантни податоци кои се преземени од европска, американска и домашна литература. Во поставувањето на теоретските основи на проблемот на истражување преку грижливо одбраните и систематизирани наслови и образложување на најважните аспекти и резултати како што треба да биде во случајот на вака сложена и обемна тема, авторот м-р Виолета Панев успешно ги презентира сознанијата во една прецизна и конзистентна форма со истакнат паралелизам и проблемски пристап на искуства и перспективи во образованието на наставниците по англиски јазик.

          Вториот дел  од ракописот  ги опфаќа методолошките аспекти на истражувањето каде што авторката м-р Виолета Панев основната цел на  истражување ја насочува кон истражување на потребата од вклучување на повеќе педагошки предмети во студиските програми за образование на  наставници по англиски јазик. За операционализација на предметот и целта на истражување поставени се осум задачи. Генералната хипотеза врз основа на предходно утврдената цел и задачи гласи: Не постои доволна застапеност на педагошки предмети (дисциплини) во студиските програми за образование на наставници по англиски јазик во РМ. Покрај генералната хипотеза авторката поставува и осум  помошни хипотези.

Од постапките за прибирање на податоците во истражувањето користено е анкетирањето како истражувачка техника. Од инструментите за прибирање на податоци користени се анкетни листови за наставниците по англиски јазик  и прашалник наменет за професори од катедрите на факултетите кои подготвуваат и едуцираат наставници по англиски јазик. Водејќи сметка за репрезентативноста на примерокот, авторката во ова истражување опфаќа примерок од наставници  кои предаваат  англиски јазик во основно образование или вкупно 61 испитаник и примерок на професори односно 23 испитаници од катедрите на факултетите што подготвуваат наставници по англиски јазик. Истражувањето  е реализирно во 21 основно училиште.

Статистичката обработка на податоците направена е преку примена на соодветна програма согласно со карактерот на ова истражување. Обработката на податоците е извршена по следниов редослед: сигнирање, кодирање на податоците со кодекс на правила, групирање според заеднички обележја, пребројување односно определувaње фрекфенција и пресметување на процент и средна вредност. За полесно интерпретирање и толкување, резултатите од истражувањето се претставени со табели и графикони. Во овој дел се забележува доследна методологија со која авторката успева подлабоко да навлезе, да ги анализира добиените резултати, да ги компарира, диференцира и врз основа на тоа да донесе соодветни заклучоци.

Од анализата и интерпретацијата на добиените податоци авторката во ракописот изведува повеќе значајни констатации, кои ги земаат во предвид паралелната поставеност на хипотезите кои се подеднакво верифицирани преку испитувањето на  наставници кои предаваат англиски јазик во основните училишта и професори од катедрите на факултетите кои подготвуваат и образуваат  наставници по англиски јазик. Во овој дел се забележува доследна методологија со која кандидатката успева подлабоко да навлезе и да ги анализира добиените резултати, да ги компарира, диференцира и врз основа на тоа да донесе соодветни заклучоци. Во истражување се потврдува основната хипотеза според која не постои доволна застапеност на педагошки предмети (дисциплини) во студиските програми за образование на наставници по англиски јазик во РМ. Предлозите се движат во насока на зајакнувње на педагошките компетенции на наставниците по англиски јазик и тоа преку: промена во курикулумската поставеност на програмите на високообразовните институции, промени во изведувањето на практичната настава, определување на конкретни критериуми и стандарди за професијата наставник, поставување на критериуми за постигнување на  квалитет во  наставната работа, поттикнување и мотивирање на наставниците, објективно вреднување на работата на наставниците и слично.

Ракописот под наслов: „Педагошките компетенции на наставниците по англиски јазик во иницијалното образование“ со својата теоретска елаборација, методолошкото обликување, стилот и пристапот покажуваат дека авторот комуницира со оваа проблематика и користи современа аргументација. Нивото на информираност, употребата на стручната терминологија, содржината на критичките коментари успешно се направени.

Ракопосот се темели на обемен теориски и емпириски материјал, на квалитативно и квантитативно истражување, кое е засновано врз солидно разработена методолошка основа. Целите и задачите на истражувањето и истражувачките прашања се јасно поставени и научно издржани, а методите, техниките и инструментите на истражување соодветствуваат на карактерот на предметот на истражувањето и на формулираните цели и задачи. Ракописот е концепциски добро поставен, сеопфатно разработен, се одликува со среден и прецизен приказ и обработка на податоците. Ракописот, нуди значен придонес на  планот на аналитичко-компаративните резултати на европски и домашни искуства по однос на стекнувањето на педагошки компетенции на наставниците по англиски јазик и надминувањето на недостатоците на тој план.

Од тие причини сметаме дека овој ракопис има значајна научна вредност и тежина не само поради сериозниот пристап на истражување туку и поради изборот на предметот на истражување преку кој доаѓаме до значајни сознанија кои можат во праксата да се имплементираат.

Со оглед на сето изложено и со јасно укажување на доследната методолошка елаборација и стандардите за стручно-научна обработка препорачувам ракописот да се прифати и публикува со што ќе стане достапен за пошироката  научно-педагошка јавност.

Скопје, 22.05.2015 година                                         

                                                                                         Рецензент

                                                                     Проф. д-р  Анета Баракоска, с.р.

- С О Д Р Ж И Н А -

ВОВЕД

ДЕЛ 1

I. ТЕОРЕТСКИ ПРИСТАП КОН ПРОБЛЕМОТ НА ИСТРАЖУВАЊЕ
1. ДЕФИНИРАЊЕ НА ПРОБЛЕМОТ И ОСНОВНИТЕ ПОИМИ
1.1. Поимни определби, дефинирање на поими
1.2. Релевантни истражувања

2. НАСТАВНИЦИТЕ ПО АНГЛИСКИ ЈАЗИК ВО СОВРЕМЕНАТА НАСТАВА
2.1. Наставник – општо теоретско поимно определување
2.2. Настава по англиски јазик во едно современо училиште
2.3. Подготовка на наставниците по англиски јазик (образовни студии,
квалификации и компетенции) за реализирање на современа настава во
основно училиште во Англија (UK) и Македонија
2.3.1. Квалификуван Статус на Наставник во Англија и Велс (UK ) ,
стандарди и компетенции (QTS – Qualifies Teacher Status)
2.3.2. Терминолошка определба – EFL, ESL, ESOL

3. КОМПЕТЕНЦИИ
3.1. Терминолошко толкување на поимот компетенции во потесен и поширок
општествен контeкст
3.2. Компетенции на наставниците во педагошката литература
3.3. Англискиот јазик во 21от век и компетенции на наставниците

4. УЛОГАТА НА НАСТАВНИКОТ ПО АНГЛИСКИ ЈАЗИК ВО
ВОСПИТНО-ОБРАЗОВНИОТ ПРОЦЕС
4.1.Современа улога на наставникот по англиски јазик
4.2. Различни улоги на наставникот во училницата
4.2.1. Графички приказ на различни улоги на наставникот
4.3. Сеопфатна улога на наставникот

5. ДОКУМЕНТИ ОДОБРЕНИ ОД СОВЕТОТ ВО ЕВРОПА И
ЕВРОПСКАТА КОМИСИЈА ЗА ИЗЕДНАЧУВАЊЕ НА СТАНДАРДИТЕ НА
ЕВРОПСКИТЕ СИСТЕМИ ВО ЕВРОПА
5.1 Училишта за 21 век – Работна програма на Eвропската Kомисија
5.2. Агенда на Европската Комисија за подобрување на компетенциите за 21 век
5.3. Европска Комисија за oбразование и култура - Заеднички европски
принципи за компетенциите и за квалификациите на наставникот
5.4. Европската рамка за клучните компетенции
5.5. Болоњскиот процес и Национална рамка на квалификации како одредница за
квалификациите и компететенциите на учениците, студентите и наставниците
5.6 EPOSTL и ELP (Европското Јазично Портфолио )
5.7. За споредба - Национален Борд за сертификација на наставничките компетенции
во САД

6. ЗАКЛУЧОК
6.1. Што е тоа eвропски наставник, наставник на денешницата и утрешнината

ДЕЛ 2

II. МЕТОДОЛОГИЈА НА ИСТРАЖУВАЊЕТО

1. ПРЕДМЕТ НА ИСТРАЖУВАЊЕТО
2. ЦЕЛ НА ИСТРАЖУВАЊЕТО
3. ЗАДАЧИ НА ИСТРАЖУВАЊЕТО
4. ХИПОТЕЗИ
5. ВАРИЈАБЛИ НА ИСТРАЖУВАЊЕТО
6. МЕТОДИ, ТЕХНИКИ И ИНСТРУМЕНТИ НА ИСТРАЖУВАЊЕТО
7. ПРИМЕРОК НА ИСПИТАНИЦИ
8. ОБРАБОТКА НА ПОДАТОЦИТЕ

ДЕЛ 3

АНАЛИЗА И ИНТЕРПРЕТАЦИЈА НА РЕЗУЛТАТИТЕ ОД ИСТРАЖУВАЊЕТО
1. АНАЛИЗА НА РЕЗУЛТАТИТЕ ОД АНКЕТИРАЊЕТО НА НАСТАВНИЦИТЕ
ПО АНГЛИСКИ ЈАЗИК ОД ОСНОВНИТЕ УЧИЛИШТА
2. АНАЛИЗА НА РЕЗУЛТАТИТЕ ОД АНКЕТНИОТ ПРАШАЛНИК
ЗА ПРОФЕСОРИТЕ ОД ВИСОКО-ОБРАЗОВНИТЕ ИНСТИТУЦИИ

ДЕЛ 4

ЗАКЛУЧОЦИ, ИНТЕРПРЕТАЦИЈА, ПРЕДЛОЗИ И НАСОКИ
4.1. Споредба на инструментите во прилог на истражувањето
4.2. Заклучок и предлози
ЛИТЕРАТУРА
ПРИЛОЗИ

Меѓународен натпревар во Токио 2015 - Наградени две основни училишта од Карпош-Скопје, Македонија

Меѓународен Натпревар по креативно пишување на тема МИР по повод 70 год. од постоење на УНЕСКО

Меѓународен Натпревар по креативно пишување на тема МИР
по повод  70 год. од постоење на УНЕСКО

Наставник координатор и ментор – Панев Виолета
Наставник ментор – Марија Туџарова

Дата  на апликација  – до  јуни  2015

Локација – Токио, Јапонија

Организатор –  ГОИ,Токио , УНЕСКО, МО на Јапонија
По повод 70 години од постоењето на УНЕСКО , oрганизиран е од The Goi Peace Foundation и  UNESCO со подршка на Министерството за Образование , Култура и спорт, Наука во Јапонија и Јапонската Комисија на УНЕСКО

Цели – Овој меѓународен натпревар по есеј на англиски јазик се организира да се поттикне иницијатива,  енергија и имагинација кај младите луѓе во  креативното пишување и во промовирање  на култура на мир и одржлив развој во светот.

Тема: “ Peace in our mind and hearts ” – Мирот во нашите мисли и души. Од Владо Тасевски учествуваат 11 ученици, категорија деца до 14 год.-7 ученици од 7 одд – под менторство на наставник Марија Туџарова и 4 ученици од 6б одд-под менторство на наставникот Панев Виолета. Регистрирањето  траеше до  јуни 2015 и беа реаизирани повеќе  работилници во текот на учебната година.

Сертификати  и награди

На натпреварот земаа учество над 12.000 натпреварувачи од целиот свет , односно од околу 150 земји.  На темата "МИР во нашите срца и ум ООУ Владо Тасевски, општина Карпош -Скопје зеде учество со 11 ученици кординирани од наставниците ментори координатор - Виолета Панев и Марија Туџарова и училиштето се здоби со Награда (INCENTIVE AWARD)  и со поединечен Награден Сертификат за постигнување (Honorable Mention)  за ученичката Елена Стојкова под менторство на наставничката Марија Туџарова.Сите 11 ученици се здобија со наградни Сертификати за учество исто така. Во натпреварот покрај ООУ Владо Тасевски зеде учество и ООУ Лазо Трповски кое беше координирано од наставникот Стефан Симовски и колешките по јазик  стекнувајки се  со награден Сертификат на ниво на училиште. Повеќе инфо на сајтот на Унеско http://www.goipeace.or.jp/english/activities/programs/2015/index.html

Учесници од ООУ Владо Тасевски се:

Name	Age	Registration Number
1.Пренџов Димитар	11	G02010001
2.Мирчевски Олег	11	G02010002
3.Горгиевски Тео	11	G02010003
4.Тотиќ Виктор	11	G02010004
5.Стојковска Елена	12	G02010005
6.Гегоска Лина	12	G02010006
7.Илиеска Искра	13	G02010007
8.Тасевски Лука	12	G02010008
9.Алимова Моника	12	G02010009
10.Толевска Нина	12	G02010010
11.Вељанов Ристо	13	G02010011

линкови:
http://www.mia.mk/mk/Inside/RenderSingleNews/288/132920702
Колибри Нова Македонија
http://www.novamakedonija.com.mk/NewsDetal.asp?

http://www.sitel.com.mk/vrachuvanje-na-nagradite-osvoeni-na-literaturniot-natprevar-za-mladi-vo-tokio

http://vladotasevski.mk/%D0%BD%D0%B0%D0%B3%D1%80%D0%B0%D0%B4%D0%B8-%D0%B7%D0%B0-%D1%83%D1%87%D0%B8%D0%BB%D0%B8%D1%88%D1%82%D0%B0%D1%82%D0%B0-%D0%BE%D0%B4-%D0%BA%D0%B0%D1%80%D0%BF%D0%BE%D1%88-%D0%B2%D0%BB%D0%B0%D0%B4%D0%BE/

vest=11915154382&id=25&prilog=1&setIzdanie=23610
http://www.goipeace.or.jp/english/activities/programs/2015/index.html
http://www.fakulteti.mk/news/15-10-31/skopskite_osnovni_uchilishta_lazo_trpovski_i_vlado_tasevski_nagradeni_na_megjunaroden_natprevar_vo_tokio_japonija.aspx

http://kanal5.com.mk/vesti_detail.asp?ID=82326

http://cooltura.mk/obrazovanie/nagradi-za-uchilishtata-lazo-trpovski-i-vlado-tasevski-na-megjunaroden-natprevar-vo

http://mia.mk/mk/Inside/RenderSingleNews/380/132872454

http://www.radiomof.mk/dve-skopski-uchilishta-nagradeni-na-megjunaroden-natprevar-vo-tokio/

http://vecer.mk/kultura/dve-skopski-uchilishta-nagradeni-na-literaturen-natprevar-vo-tokio

http://a1on.mk/wordpress/archives/545368

http://sitel.com.mk/skopskite-uchilishta-lazo-trpovski-i-vlado-tasevski-nagradeni-na-megjunaroden-natprevar-vo-tokio

http://www.idividi.com.mk/vesti/makedonija/1038034/index.html

Објава на труд - Педагошките компетенции на наставниците по англиски јазик, компаративен осврт на состојбите во Mакедонија и Aнглија

Педагошките компетенции на наставниците по англиски јазик,компаративен осврт на состојбите во Mакедонија и Aнглија

 м-р Виолета Панев
ООУ Владо Тасевски,Скопје, Р. Македонија
lingva@mt.net.mk

 Апстракт

Традиционалниот концепт на наставничкиот профил постојано се
проширува и менува како во содржината така и во методологијата и облиците
на учење поради постојаната промена на дадените општествени услови и
напредокот на науката и техниката. Наставникот е посредник при пренос на
најновите знаења и главен реализатор на реформските промени во наставата
и затоа денешницата бара од него квалификувано стручно и темелно
педагошко образование.
Компетенциите и вештините како менлива категорија иако главно
препознатливи и насочени кон збогатување и развојот на личноста која се
образува во периодот на своето иницијално образование имплицира и
флексибилност и усовршување на знаењата и вештините според дадените
временски периоди и временските услови на живот, развојот на науката и
технологијата.
Во текот на образованието на наставниците кои предаваат англиски
јазик, постои потреба од проширување на нивните педагошки вештини и
компетенции, се’ со цел да се оствари нивната педагошка функција во еден
современ свет користејќи го странскиот јазик во наставата како алатка на
брзо доаѓање до нови извори и иновативни техники на учење.
Во трудот се направи еден компаративен осврт на педагошките
компетенции на наставниците од англиското јазично говорно подрачје и од
Македонија преку споредба на образовните програми на високообразовните
институции како и увид во документи усвоени од Европскиот Совет и
Европската Комисија. Сознанијата од истражувањето во 20 тина основни
училишта во Македонија се насочени кон професионално унапредување и
стекнување на темелни педагошки компетенции на наставниците по англиски
јазик и на другите предметни наставници во текот на нивното иницијално
образование .

Клучни зборови:

педагошки компетенции, наставници по англиски
јазик, иницијално образование, основно училиште.

линк :https://drive.google.com/file/d/0B8bObL0Dc75fX3BCU1N4MzI4TzQ/view

Објава на труд - THE NEED OF STRENGTHENING THE PEDAGOGICAL COMPETENCES IN TEACHING FROM THE ENGLISH TEACHERS’ PERSPECTIVE

Journal Metrics:  Global Impact Factor for 2013=0.514 , 2014=0,678

 IC Journals Master List 2012 - ICV 2012: 5.31 - ICV 2013 - 6.76

THE NEED OF STRENGTHENING THE PEDAGOGICAL COMPETENCES IN TEACHING FROM THE ENGLISH TEACHERS’ PERSPECTIVE

MA Violeta Panev, Primary School V.Tasevski - Skopje, Republic of Macedonia
E-mail: lingva@mt.net.mk
Dr. Aneta Barakoska, Faculty of Philosophy, Ss.Cyril and Methodius University - Skopje, Republic of Macedonia
E-mail: aneta@fzf.ukim.edu.mk

Received: May, 05.2015.
Accepted: May, 25.2015.
Original Article
UDK 371.12.011.3-051:811.111(497.7)

Abstract. The traditional concept of the teaching staff continually is expanding and changing not only in the content but in the methodology and in the forms of learning as well because of the permanent change of the social conditions and the advancement of the science and technology. The teacher is a mediator of the knowledge and a key person who realizes the reforms and the teaching processes into practice and that is why the present and the future requires from the teacher qualified, expert and fundamental pedagogical knowledge .
The competences and the skills as a changeable category mainly recognized and focused on the enrichment and the personal development of someone who learns, besides the initial education implies flexibility as well. Even more it implies improvement of the skills and the knowledge according to the given time frame periods and life conditions by the science and the technology development. During the teachers’ initial education there is a need of expanding their pedagogical skills and competences in order the pedagogical function to be fulfilled in a modern world using the foreign language in the teaching process as a tool for an entry to new resources and innovative techniques of studying.
In the paper there is a presentation of a short comparison of the teachers’ competences in the English linguistic speaking areas and in Macedonia through comparing the educational programs of the higher faculty institutions and colleges.We will present their attitudes and opinions in terms of the level of the acquired competences in the initial education. The results are to be used in the professional improvement of the teaching competences of the English language and other subject teachers during their initial education. The research implemented with the teachers in the schools led to the conclusion that there is an immense need of expanding the teachers’ competences during their initial education.
Keywords: Pedagogical competences, Teachers of English, Initial education, Primary school.

линк: http://www.ijcrsee.com/index.php/ijcrsee/article/view/162/319

ЈАЗИЧНА НАУЧНА КОНФЕРЕНЦИЈА 2015 - Универзитет "Св.Кирил и Методиј", Филолошки Факултет "Блаже Конески" - Скопје

Наставник: Виолета Панев

Презентација на научен труд
Лингвистичко подрачје: Методика на настава

Лингвистичка Регионална научна конференција  „СтуЛиКон 2015“,

Дата – 24 до 26 април 2015

Локација – Филолошкиот факултет „Блаже Конески“ при универзитетот „Св. Кирил и Методиј“ – Скопје

Организатор – Организациски Одбор Стуликон 

Партнери - Британски Совет, Филилошки Факултет,Скопје

ПРОГРАМА - СТУЛИКОН 2015

ден 1 : Петок, 24 април 2015 година - Отворање на конференцијата
Пленарно предавaње – проф. д-р Елени Бужаровска и проф. д-р Лилјана Митковска -   The Role of Corpus Studies in Teaching Foreign Languages

Излагање на учесниците- Паралелни сесии од областа на јазиците (македонски , германски, српски,словачки, хрватски , француски , англиски)

Промоција на книга - Говорни чинови: барање, заблагодарување, извинување, приговарање во англискиот и македонскиот јазик Автори Марија Кусевска, Зорица Трајкова, Силвана Нешковска, Фанија Смичковска

Работилница: проф. д-р Рајна Кошка-Хот - Learning English Through Drama: 451 Years Since Shakespeare's Birth

Излагање на учесниците Паралелни сесии од областа на јазиците (македонски , германски, српски,словачки, хрватски , француски , англиски)

ден 2 : Сабота, 25 април 2015 година
Пленарно предавање – проф.др. Томислав Треневски - Осврт на современите состојби на македонскиот јазик

Излагање на учесниците Паралелни сесии од областа на јазиците (македонски , германски, српски,словачки, хрватски , француски , англиски)

Пленарно предавање- Abigail Jones  Musicality of Great Speakers – Dr. Martin Luther King

Прошетка - Водно

Ден 3 - Недела, 26 април 2015 година 

Излагање на учесниците Паралелни сесии од областа на јазиците (македонски , германски, српски,словачки, хрватски , француски , англиски)

Затворање на конференцијатаФакултативна екскурзија до кањон Матка

Ден 2 - Панев Виолета 16.20

Цел-  Конференцијата  е наменета за сите лингвисти , додипломци , дипломци и магистри од областа на филолошките науки на Филолошкиот факултет „Блаже Конески“ . Конференцијата ќе им овозможи соработка и размена на искуства на студентите од лингвистичките подрачја, како и развој на независна и критичка мисла кон јазичните прашања, и со тоа ќе го промовира и значењето на лингвистиката како наука.

Сертификат - Присутните ќе се здобијат со Сертификат за присуство

                            и  Сертификат за презентација на труд

Програма :
http://stulikon.mk/doc/%D0%A1%D1%82%D1%83%D0%9B%D0%B8%D0%9A%D0%BE%D0%BD%20-%20%D0%BF%D1%80%D0%BE%D0%B3%D1%80%D0%B0%D0%BC%D0%B0.pdf

ООР-ПРВА МЕЃУНАРОДНА ЕДУКОНФЕРЕНЦИЈА НА НАСТАВНИЦИ И ИНФОРМАТИЧАРИ 2015

Наставник: Виолета Панев

ПРВА  МЕЃУНАРОДНА  ЕДУКОНФЕРЕНЦИЈА  НА  НАСТАВНИЦИ  И ИНФОРМАТИЧАРИ  2015 -ОТВОРЕНИ ОБРАЗОВНИ РЕСУРСИ

Презентација на постер – “Ликот и компетенциите на наставникот  во 21 век “ - Активности и заклучоци што произлегуваат од наставната пракса (автор Панев Виолета)

Цел-  Конференцијата  е наменета за сите наставници ( сегашни и  идни ) за да им помогне во развивањето  и  подобрувањето  на  организациските  и комуникативните методско – дидактички способности, да ги зголеми можностите во споделување искуства и добри наставни практики на наставниците во и надвор од земјата .

Содржина :
Ден1  -  Образовни Ресурси

-       Мак.Центар за граѓанско образование- Професионален и кариерен развој на наставниците

-       Британски Совет – ИКТ Прирачници

-       Презентација на 3 проекти на ЕУ за наука и и новации

-       Електронски учебници

Ден 2 – Тренинг програми за креативни обуки

-       Компетентни учители за 21 век

-       ИКТ во наставата
Мобилност на наставниците , Центар за креативни обуки (Бугарија)
Научен ЕУ проект , Биро за развој

-       Креирање веб страна, Британски Совет

-       Рефлексивен наставник ,Пед.Факултет , Битола

-       Различности и мултикултурализам во разрешување на конфликти

Панел Презентации

- Мајкрософт работилница за креативна училница

- ЕУ проекти за мобилност на наставниците и учениците ( Нац.агенција за мобилност)

- За Иновациите - СОЛ -Р.Банот

      

Дата – 24/25 јануари2015

Локација – Хотел Дрим ,Струга

Организатор - ПРИЈАТЕЛИ НА ОБРАЗОВАНИЕТО , Отворени Образовни Ресурси
Покровители – Фондација Чекор по чекор , Британски Совет, Национална агенција за Европски Образовни програми и мобилност, Факултет за информатички науки и компјутерско инженерство (Св Кирил и Методиј ,Ск) и др.

Сертификат - Присутните се здобија со Сертификат за присуство
Пофалница – Учество во конференцијата преку електронски постер презентација како алатка за споделување добри наставни практики и искуства.

ПРЕЗЕНТАЦИЈА НА ПОСТЕР-ООР

ЛИНК:

http://www.friends-of-education.org/%D0%BF%D0%BE%D0%B1%D0%B5%D0%B4%D0%BD%D0%B8%D1%86%D0%B8%D1%82%D0%B5-%D0%BD%D0%B0-%D0%BF%D0%BE%D1%81%D1%82%D0%B5%D1%80-%D0%BF%D1%80%D0%B5%D0%B7%D0%B5%D0%BD%D1%82%D0%B0%D1%86%D0%B8%D0%B8%D1%82%D0%B5/


https://onedrive.live.com/view.aspx?resid=331FE1789899BB32!228&ithint=file%2cpptx&app=PowerPoint&authkey=!ACD4Y2MkVhWd4aI